"Құқықтық дәріхана" акциясы: елордалық заңгерлер тұрғындарды мазалаған сұрақтарға жауап берді

Астанада тұрғындарға құқықтық көмек көрсету бойынша "Құқықтық дәріхана" атты ауқымды акция жалғасып жатыр. Бұл жолы шара "Азия Парк" сауда-ойын-сауық орталығында өткізілді, деп хабарлайды Zakon.kz.

Акцияны Астана бойынша ҚР Бас прокуратурасының Құқықтық статистика және арнайы есеп комитетінің департаменті ұйымдастырды.

Мақсаты – тұрғындардың құқықтық сауаттылығын арттыру және қала тұрғындарының өздерін қызықтырған сұрақтарына жауап беру.

Сурет: Астана қаласы әкімдігі

Есірткіге қарсы айлық аясында астаналықтар мына мәселелер бойынша жүгінді:

• "Жасырып кету" арқылы есірткі тарату;
• Нашақорлықпен күрес және кәмелетке толмағандардың тартылуы;
• Мұндай қылмыстарды тергеу және құқықтық бағалау мәселелері.

Сурет: Астана қаласы әкімдігі

"Бізге осындай проблемаларға тап болған ата-аналар, мұғалімдер және жастардың өздері де келеді. Біздің міндетіміз – азаматтардың құқықтары бұзылған жоқ па екенін тексеру және оларға кәсіби құқықтық кеңес беру", – деп түсіндірді ведомство өкілі.

Сонымен қатар, астаналықтар әкімшілік сипаттағы мәселелер бойынша да сұрақтар қояды:

• әкімшілік айыппұлдарды есептеу және төлеу;
• айыппұлдарды төлеу кезінде қателіктер және оларды беру тәртібі.

Сурет: Астана қаласы әкімдігі

Тағы бір өзекті тақырыптардың қатарына бөлшек құрылыс алаяқтығы, алименттер, сот шешімдерін орындау, кәсіпкерлердің құқықтарын қорғау жатады.

"Ең жиі кездесетін өтініштер – алаяқтық, алименттер және есірткі қылмыстары. Бұл мыңдаған азаматты алаңдататын мәселе. Біздің міндетіміз – оларға кеңес беру және қандай әрекет жасауға болатынын түсіндіру", – деп атап өтті ведомстводан.

Естеріңізге сала кетейік, Астанада есірткі қылмысына қарсы профилактикалық айлық жалғасып жатыр, оны елордалық Полиция департаменті мен прокуратура жүзеге асыруда.

Сурет: Астана қаласы әкімдігі

"Заң және тәртіп" қағидаты аясында жүзеге асырылатын шаралар кешені: бірлескен рейдтер, оқу орындарында профилактикалық түсіндірулер өткізу, сондай-ақ тыйым салынған заттарды тарататын интернет-ресурстарды анықтау және жою жұмыстарын қамтиды.