Қырғызстан 302 мың тауық жұмыртқасын Қазақстанға қайтарып жіберді

Жұмыртқаны Қостанай облысында орналасқан фирма жөнелткен.

Қырғызстан Қазақстаннан жеткізілген 302 400 тауық жұмыртқасын шекарадан өткізбей қойды, - деп хабарлайды Sputnik Қырғызстан.

Ветеринарлық және фитосанитарлық қауіпсіздік жөніндегі мемлекеттік инспекцияның мамандары өнімді "Ақ-Тілек" бақылау-өткізу пунктінде ұстаған.

Ведомство баспасөз қызметінің мәліметінше, жұмыртқаны Қостанай облысында орналасқан фирма жөнелткен.

"Тексеру кезінде жүктің жөнелтпе құжаттары Еуразиялық экономикалық одақтың ветеринарлық талаптарына сәйкес келмейтіні анықталды", — деп жазылған хабарламада.

Акт толтырылып, өнім Қазақстанға қайтарылды.

фото: sputniknews.kz