Қостанайда АИ-80 маркалы бензин қоры таусылуға жақын
![Zakon.kz, сурет - Zakon.kz жаңалық 14.11.2017 15:36](https://kaz.zakon.kz/pbi/WEBP/2023-12-20/file-2faf5c24-3413-4153-a851-a5886e199919/800x452.webp)
Қостанай облысына бірде-бір цистерна бармаған.
Еліміздің жанармай нарығындағы жағдай толық тұрақталды деуге әлі ерте. Осыған дейін жөндеуде болған Атырау мұнай өңдеу зауыты іске қосылса да, Қостанай облысына бірде-бір цистерна бармаған, - деп хабарлайды Хабар 24.
Сондықтан жергілікті операторлар жанар-жағармайды Ресейден тасымалдауға мәжбүр. Бағасы қымбат болса да, Қостанайда АИ-92 және дизельді отын баршылық.
Ал АИ-80 маркалы бензин таусылуға жақын. Қазір небәрі 6 күнге жетерлік қор қалды. Бензиннің бұл түріне елімізде баға шектеуі енгізілген. Сондықтан бір литрін 89 теңгеден асыруға болмайды. Ал Ресейден алдыру қымбатқа түседі.
– Қазір қолымыздағы АИ-92 бензині мен дизел отынының жеткілікті қоры бар. Ал АИ-80 бензиніне облыста тапшылық сақталып отыр. Энергетика министрлігіне қараша айына 1571 тоннаға тапсырыс бергенбіз. Алайда әзірге ештеңе алған жоқпыз. Аймақтардың қажеттілігін өтеу үшін орталық денгейде АИ-80 бензинінің кепілдендірілген өндіріс көлемінің кестесін нақты бекіткен дұрыс деп санаймыз, - дейді облыстық кәсіпкерлік және индустриялды-инновациялық даму басқармасының басшысы Мұрат Шаимов.
Фото: 24.kz
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript