«Ақтөбе» командасының экс-футболшысы еңбекақысын сот арқылы өндіріп алды
![Zakon.kz, сурет - Zakon.kz жаңалық 27.11.2017 22:35](https://kaz.zakon.kz/pbi/WEBP/2023-12-20/file-d65b7533-0284-4b0d-85fb-3cecce6ad3ad/800x452.webp)
Футболшы төленбеген еңбекақының өсімпұлын да талап еткен.
«Ақтөбе» командасының футболшысы еңбекақысын өндіру үшін сотқа жүгінген, - деп жазады Аktobenews.kz
Жауапкер соттан «Ақтөбе» футбол клубынан 2015 жылдың қараша, желтоқсан айларына 11 106 000 теңге көлемінде еңбекақысын, 5 553 000 теңге көлемінде жылдық ақылы еңбек демалысының пайдаланылмаған күндері үшін өтемақы өндіріп беруді талап еткен.
Футболшы төленбеген еңбекақының өсімпұлын да талап еткен. Сот талқылауы кезінде жауапкердің 2014 жылы 3 қаңтарда «Кәсіби футболшы» лауазымында қызмет атқарғаны анықталған.
ҚР АПК-нің 223, 226, 281-баптарын басшылыққа ала отырып, сот талапкер Т.-ның талап арызын ішінара қанағаттандырды.
«Ақтөбе облыстық футбол клубы» АҚ-дан Т.-ның пайдасына 2015 жылдың қараша, желтоқсан айларына 11 106 000 теңге көлемінде еңбекақы сомасын, еңбекақы төлемін кідіртуінен 305 415 теңге көлемінде өсімпұл, 5 553 000 теңге көлемінде жылдық ақылы еңбек демалысының пайдаланылмаған күндері үшін өтемақыны өндірді», — деп хабарлайды облыстық соттың баспасөз қызметі.
Фото: aktobenews.kz
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript