Қостанайдың бас шыршасы тәуелсіздік күні жағылады
Zakon.kz
Қаланы Жаңа жыл мерекесіне орай безендіруге 18 млн теңге бөлінді.
Қостанай қаласында биіктігі 22 метрлік шырша орнатылады. Бұл туралы Қостанай қаласы әкімдігінде өткен жиында айтылды, - деп хабарлайды ҚазАқпарат.
Қостанай қаласы әкімдігінің мәдениет және тілдерді дамыту бөлімінің басшысы Қарлығаш Мадиярованың айтуынша, басты шырша 600 жарықдиодты пиксельдермен безендіріледі.
«16 желтоқсанда сағат 12:00-де облыстық әкімшілік алдында концерттік бағдарлама өтеді. Осы күні кешке басты шырша жағылады. Бұған қоса, Гашек көшесі мен КСК шағын ауданында тағы екі шырша орнатылады. Тобыл өзенінің жағалауында сырғанақ тұрғызылып, орталықта мұз қалашығы бой көтереді», - деді бөлім басшысы.
Жалпы, қаланы Жаңа жыл мерекесіне орай безендіруге 18 млн теңге бөлінді. Дайындық жұмыстары 1 желтоқсанда басталады.
Фото: sn.kz
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
