"Астана" командасы тұңғыш рет Еуропа Лигасының плей-офф кезеңіне шықты
Фото bkru.co
Прагада "Эден Арена" стадионында өткен Еуропа Лигасының алтыншы турында "Астана" командасы "Славиямен" кездесті, - деп хабарлайды Zakon.kz.
Станимир Стойловтың шәкірттері бұл матчта 1:0 есебімен тарихи жеңіске қол жеткізді.
Ойынның 40-минутта «Астананың» қорғаушысы, босниялық легионер Марин Аничич қақпа алдындағы қарбалас сәтті пайдалана білді. Өзара кеңесіп, төрешілер голды есептеді.
78-минутта тағы да Н.Эрич бұрыштамадан берілген доптан кейін Ван Буреннің қауіпті соққысын қайтара алды.
Алаң иелері бірнеше рет қатарынан бұрыштамадан доп бергенімен, елордалықтар қорғанысы сыр бермеді. Ақыры астаналықтар «Славияның» барлық шабуылына төтеп беріп, 1:0 есебімен жеңіске жетті. Осылай, Станимир Стойлов пен "Астана" ойыншылары тұңғыш рет плей-офф бәсекесіне жолдама алып, Қазақстан футболы тарихында өз аттарын қалдырды.
