ОҚО-да "Рухани жаңғыру" бағдарламасы бойынша халықтың белсенділігін арттыруда
Вnews.kz
ОҚО-да "Рухани жаңғыру" бағдарламасын жүзеге асыру барысында "Туған жер" арнайы жобасының 4 ішкі бағдарлама жұмыстары жүріп жатыр: «Тәрбие және білім», «Атамекен», «Рухани қазына», «Ақпарат толқыны», деп хабарлайды Zakon.kz.
Жоғарыда аталған 4 ішкі бағдарлама 10 негізгі бағыттан тұрады. Бүгінгі күні 10 негізгі бағыт бойынша 19 жоба, 207 іс-шара іске асып жатыр. Сонымен қатар, кәсіпкерлердің қаржысына 365 жоба жүзеге асты.
"Атамекен" бағдарламасының мақсаты - азаматтық жауапкершілік пен халықтың әлеуметтік белсенділігін арттыру, бәсекеге қабілеттілікті арттыру, әрбір қазақстандықты өз мүддесіне пайдалы әрекет етуге үйрету, жергілікті қоғамдастық пен қоғамның эволюциялық дамуын жетілдіру.
Ішкі бағдарламаның міндеті азаматтардың ынтасын арттыра отырып, өңірдің өзекті әлеуметтік мәселелерін шешуге бағыттау.
Бағдарламаның артықшылығы: жергілікті қоғамдастықтың өзекті мәселелерін шешу мақсатында азаматтардың, қоғамдық мекемелер, жеке кәсіпкерлер мен еркітілер, бизнес-құрылым, мемлекеттік мекемелердің күшін біріктіру; қоғамдағы қамқоршыл көңіл күй деңгейін төмендету; азаматтардың белсенділігін әлеуметтік жаңғырту мен жұмылдыру кезінде ғылыми-өндірістік бірлестіктің рөлін арттыру; өңірлердің әлеуметтік мәселелерін шешу үшін жергілікті қоғамдастықты іске қосу.
"Атамекен" бағдарламасы 2 негізгі бағыт бойынша жүзеге асады:
"Әлеуметтік бастамалар картасы» мен «Жомарт жүрек».
Қазіргі кезде «Әлеуметтік бастамалар картасы» атты негізгі бағыты бойынша 7 ішкі жоба іске асты: «Еріктілер корпусы», «Табысқа апарар жол», «Сенімді болашақ», «Аялы алақан», «Білімге бастар жол», «Жас кәсіпкерлер мектебі» және «Алтын ұям». Ішкі жобалар жергілікті бюджеттегі қаржыны қажет етпеді. Оларға қатысты 300 іс-шара өтті.
Жеке кәсіпкерлердің қаржысынан 1435,0 млн теңге жұмсалып, «Демеушілер тарапынан әлеуметтік қолдау» ішкі жобасы бойынша 365 нысан (білім беру - 50, спорт - 61, мәдениет - 33, инфрақұрылым - 52, әлеуметтік нысандар - 169) аяқталды.
Пайдалы іс жасауға жастарды ынталандыру және жастардың әлемдік көзқарастарын кеңейту мақсатында 2017 жылдың маусым айынан бастап "Еріктілер корпусы" жобасы іске асуда.
Салауатты өмір салтын ұстану мақсатында "Сенімді болашақ" жобасы іске асып жатыр. Қазіргі кезде өңірде "Аймақтарды абаттандыру және көгалдандыру" және "Біз зиянды әдеттерден аулақпыз" атты акциялар өткізілді.
2017 жылдың қыркүйек айында жетім балаларды, ата-ана қарауынсыз қалған балаларды, мүмкіндігі шектеулі балаларды қажет заттармен қамтамасыз ету мақсатында "Аялы алақан" атты жоба басталды. Мәдениет қайраткерлерінің қатысуымен акциялар, түрлі қайырымдылық концерттер өтті.
2017 жылдың қыркүйек айынан бастап "Кәсіпкерлік мектебі" жобасы өз жұмысын бастады.
Түлектерді ынталандыру мақсатында, білім алған ордаларына көмек көрсету мақсатында "Алтын ұям" жобасы іске асуда. Түлектердің кездесуі 2017 жылдың мамыр айында болды.
