Қызылорда облысында 3 ақбөкенді атып алған браконьер ұсталды
syrboyi.kz
Бұдан басқа, 12 калибрлі, ұңғылы аңшы мылтығы, атылмаған оқ, ағаш сапты пышақ тәркіленді.
Қызылорда облысы Қармақша ауданында рейдтік тексеріс барысында 3 бірдей ақбөкенді атып алған браконьер ұсталды деп мәлімдейді Syrboyi.kz Қызылорда ОІІД баспасөз қызметіне сілтеме жасап.
10-14 қаңтар аралығында экологиялық қылмыстардың алдын алу мен браконьерлік әрекеттердін жолын кесу мақсатында Қармақшы ауданының аумағында полиция қызметкерлері мен «ОХОТЗООПРОМ» РМҚК қызметкерлерінің бірлескен рейдтік іс-шарасы өткізілді.
– Рейдтік шара кезінде 14 қаңтар күні автокөліктерге тексеру жүргізу барысында Қармақшы ауданы тұрғынының басқаруындағы «Тойота-Ланд-крузер» автокөлігі тоқтатылып, тексеру барысында, автокөліктің артқы жағында қапқа оралған үш ақбөкен табылды, – деп мәлімдейді Қызылорда ОІІД баспасөз қызметі.
Бұдан басқа, еш құжаты жоқ 1 дана 12 калибрлі, 1 ұңғылы аңшы мылтығы, 7 дана атылмаған оқ, 1 дана ағаш сапты пышақ тәркіленді.
Бұл факт Қазақстан Республикасы Қылмыстық кодексінің 337-бабы 4-бөлігінде СТТБТ-де тіркеліп, тергеп-тексеру жүргізіліп жатыр.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
