Алматыда адамдарды жүксалғышта тасымалдаған жүргізушіге айыппұл салынды
sputniknews.kz
Оқиғаның видеосы желіде жарияланды, жүргізуші кінәсін мойындады.
Алматы полицейлері жолаушыларды өз көлігінің жүксалғышында тасымалдаған жүргізушіні жауапкершілікке тартты. Құқық бұзушылықтың видеосы әлеуметтік желілерге мониторинг жасау барысында анықталды, деп хабарлады sputniknews.kz, қалалық жергілікті полиция қызметінің баспасөз қызметі берген ақпаратқа сілтеме жасап.
"Тексеру шараларын жүргізу барысында құқық бұзушы анықталды, ол жолаушыларды тасымалдау ережесін бұзғаны үшін әкімшілік жауапкершілікке тартылды. Жүргізуші кінәсін бірден мойындады. Оқиға Сейфуллин даңғылында, Мәметова көшесімен қиылыста болған", — деп атап өтті ЖПҚ іздеу бөлімінің бастығы, полиция подполковнигі Ерік Насырбеков.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
