Ақтауда экстремистік сипаттағы ақпарат таратқан екі адам ұсталды

Хабар 24

Күдіктілер 3-тен 7 жылға дейін бас бостандығынан айырылуы мүмкін.

Ақтауда әлеуметтік желілерде экстремистік сипаттағы ақпарат таратқан екі адам ұсталды, деп хабарлайды Хабар 24.

Олардың бірі – бұған дейін 4 жыл шартты жазаға кесілген азамат. Қылмыстық кодекстің 174-бабымен қозғалған тергеу амалдары аяқталып, іс сотқа жолданды. Күдіктілер 3-тен 7 жылға дейін бас бостандығынан айырылуы мүмкін.

Жалпы өткен жылы облыс бойынша дәстүрлі емес діни ағымдар тарапынан жасалған 50-ден аса дерек тіркелген. Теріс ағымдағы діни рәсімдер өткізіліп келген 5 мекенжай анықталып, заңсыз миссионерлік қызметі үшін 2 адамға 100 АЕК мөлшерінде айыппұл салынған.

- 2017 жылы жергілікті мешіттерде имамдардың заңды іс-әрекеттеріне кедергі келтірген 17 адамға ҚР Әкімшілік құқық бұзушылық туралы кодексінің 490-бабымен 1 млн 928 мың теңге айыппұл салынды. Сондай-ақ экстремистік сипаттағы әдебиеттерді таратқан және заңсыз медициналық қызмет көрсеткен тұлғалар 20 және 5 АЕК көлемінде әкімшілік жазаға тартылды, - деді өңірлік ІІД экстремизмен күрес басқармасының басшысы Рашид Қуандықов.

Оқи отырыңыз