Баланың ыстығын пиязбен де түсіруге болады
Stan.kz
Мысырлықтар пиязды адамның дене қызуы көтерілген кезде жиі қолданады екен. Себебі оның пайдасы зор, деп жазды Stan.kz.
Пайдалану тәсілі: баланың ыстығы көтеріліп жатыр делік, бір пиязды алып, қабығын аршымай екіге бөлеміз. Дене қызуы көтерілген баланың табанына екі жарты пияздың қабығын сыртқа қаратып, жабыстырып, шұлығын кигізіп қоясыз. Нәтижесі бірден көрінеді. Баланың қызуы түскен кезде пияз қарайып кетеді.
Ауруханада қызуы өте жоғары көтерілген бала өліммен арпалысып жатқанда қарт әжесі келіп, шұғыл түрде бір бас пияз әкелулерін өтінеді.
Содан пияздың қабығын тазаламастан екіге бөліп, баланың табанына байлап, шұлығын кигізіп қояды. Ертесіне бала түк болмағандай, дені сап-сау ұйқысынан оянады. Табанына байланған пияздың түсі қап-қара түске айналыпты.
Тағы бір оқиға. 1919 жылы Мысырда тұмау індетінен 40 мың адам көз жұмады. Сол кезде медицина қызметкерлері елді мекендерде үйме-үй жүріп, адамдарға көмек көрсетеді.
Қыстақтың шетінде тұратын бір диқаншының үйіне келіп таң-тамаша халге түседі. Себебі жанұя мүшелерінің бәрі дін аман, тұмауратқан адам жоқ.
“Бұл қалай болғаны, елдің бәріне тұмау тиіп ауырып жатыр, сіздің үйіңізде бәрі сап-сау”, - деп сұрайды дәрігер.
“Міне, мынау ғой, күнде осылай жасаймын. Үйдің әр бөлмесінде бір пияздан қойылған”, - деп үй иесі ортасынан екіге бөлінген пиязды көрсетеді. Аң-таң болған дәрігер пиязды ала сала микроскоппен тексере бастайды. Пияз қабаттарының арасынан тұмаудың вирустарының толып тұрғанын көреді. Содан, ортасынан кесілген пияз микробтарды өзіне тартып, оларды өлтіретіні мәлім болады.
