Ақтөбеде абақтыда отырғандар шахмат жарысынан бақ сынады

Аktobenews.kz

Мекеме аумағында шахмат, теннис, шаңғы тебу секілді спорттық шаралар жиі өткізіліп тұрады.

Ақтөбедегі «КА-168/2» түзету мекемесінде жазасын өтеушілер мұғалімдермен шахмат ойнап жарысты, деп хабарлайды Аktobenews.kz.

Мекеме басшылары мұндай шаралардың бос бостандығынан айырылған азаматтардың өздерін қоғамда тең ұстауына көп көмектесетінін айтады.

«Мекеме аумағында шахмат, теннис, шаңғы тебу секілді спорттық шаралар жиі өткізіліп тұрады. Спорттық шаралар арқылы сотталғандардың мінезін даралау жұмыстары айқындалады. ҚАЖ департаментіне қарасты «КА-168/2» түзету мекемесінде жазасын өтеушілер мен қалалық білім бөлімінің мұғалімдері арасында шахмат жарысы ұйымдастырылды. Шахмат ақыл-ойды жетілдіретін ерекше ойын. Бұл ойын арқылы адам өзін ұстауға тәрбиелейді. Сол себепті тәрбие жұмыстарында осындай шараларға көп көңіл бөлеміз», - дейді «КА-168/2» түзету мекемесінің аға лейтенанты Қайрат Құбаев

Спорттық шара кезінде марапатталған сотталғандар ақыл-ой ойындарына қатысты шаралардың жиі өткізуге ұсыныс жасаған.

Оқи отырыңыз