Синоптиктер алдағы үш күннің ауа райына болжам жасады

"Қазгидромет" РМК 13-15 ақпан аралығындағы ауа райына болжам жасады.

Алдағы күндері атмосфералық ағымдар Қазақстан аумағын кесіп өтеді. Соның әсерінен кей өңірлерде қар жауады, желдің жылдамдығы 15-20 м/с күшейеді, деп хабарлайды Zakon.kz Қазгидрометке сілтеме жасап.

Республиканың солтүстік жартысында боран соғып, оңтүстік облыстарда көктайғақ болады деп болжануда.

14-15 ақпанда оңтүстік және оңтүстік-шығыстың таулы аймақтарында қалың қар жауады.