Демалыс күндеріне арналған ауа райы болжамы

"Қазгидромет" РМК 24-26 ақпан аралығындағы ауа райына болжам жасады.

Еліміздің басым бөлігінде атмосфералық ағымдардың өтуінен ауа райы құбылмалы. Кей жерлерде қар жауып, боран соғады, желдің екпіні 15-20 м/с дейін күшейеді. Басқа күндерде тұман түсуі мүмкін, деп хабарлайды Zakon.kz Қазгидрометке сілтеме жасап.

"Өткен тәулікте Батыс Алтай, Тарбағатай және Жетісу Алатауы тауларында жауын-шашын жалғасты. Жауған жауын-шашын қар көшкіні жағдайына айтарлықтай әсер еткен жоқ. Бұрқасын мен жел соққан жоқ", — делінген хабарламада.

Алдағы үш тәулікте (24-26 ақпанда) Қазақстанның таулы аймақтарында өздігінен болатын қар көшкіні болжанып отырған жоқ. Қар көшкінін болдырмас үшін тау бөктеріне шығуға тыйым салынады.