Астанада күдікті сөмке кесірінен Министрліктер үйі қоршауға алынды

Полиция қызметкерлері күдікті қытай сөмкесінің табылуына байланысты Министрліктер үйін қоршауға алды, деп хабарлайды «ҚазАқпарат» ХАА тілшісі.

«Полиция қызметкерлері қызмет бабында жүріп, өтпелі жолға жақын жаяу жүргіншілер жолының маңында иесіз сөмкені тапқан. Алдын ала сақтану шараларын таныта отырып, олар сағат 09:40 шамасында жедел әрекет ету басқармасының орталығына хабар берген. Сөмкені тексеру үшін оқиға орнына бірден мамандар жолданып, тексеру кезінде аталмыш сөмкенің ішінен күдікті ештеңе табылмады», - деп хабарлайды Астана қаласының ІІД баспасөз қызметінен.

Еске сала кетсек, бұған дейін де 19 ақпан күні полиция қызметкерлері Қонаев пен Мәңгілік ел көшелерінің қиылысын қоршауға алған болатын. Ол жердегі көлік тұрағынан әйелдің сөмкесі табылған еді. Кейін оның тек қоқыс толы сөмке екені анықталған.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021