Қарағандылық тіс емханасындағы баланың өліміне қатысты қылмыстық іс қозғалды
Baq.kz
Тексеру жұмыстары заңда белгіленген мерзімде жүргізіледі.
Қарағандыда стоматологиялық клиникада екі жастағы баланың қайтыс болу себептерін анықтау үшін жоспардан тыс тексеру басталды, деп хабарлайды Zakon.kz ҚР Денсаулық сақтау министрлігінің қоғамдық денсаулық сақтау комитетінің баспасөз қызметіне сілтеме жасап.
"Қарағанды облысының Денсаулық сақтау департаменті облыстық ІІД-мен бірігіп, ішкі анестезиядан кейін екі жасар баланың қайтыс болуына байланысты "Tiny Dent" стоматологиялық клиникаға жоспардан тыс тексеру жүргізеді. Департамент клиникалық фармакология, анестезиология, реанимация, патоморфология, сот-медициналық сараптама, педиатриялық стоматология, сонымен қатар Фармацевтика департаментінің қызметкерлерін тарта отырып, комиссия құрды", - делінген хабарламада.
Құжаттар құқықтық статистика органдарына және Бас прокуратураның арнаулы органдарына жоспардан тыс аудит жүргізу үшін тапсырылып, тексеріс заңмен белгіленген мерзімде жүргізіледі.
Қазақстан Республикасы Қылмыстық кодексінің 317-бабының 3-тармағы бойынша (медицина немесе фармацевтика қызметкерінің кәсіби міндеттерін орындамауы немесе тиісінше орындамауы) қылмыстық іс қозғалды.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
