Астанада өгей әкесі ұлын аяусыз ұрып тастады

Ер адам асыранды баланы өз үйінде сабаған.

Астанада өгей әке ұлын ұрып тастаған. Ер адам асыранды баланы өз үйінде сабаған, деп хабарлайды Stan.kz.

«Сот-медициналық сараптама қорытындысы бойынша, жапа шегушінің денесінде соққы іздері бар. Бұл денсаулыққа жеңіл зақым келтіру болып саналады», – делінген хабарламада.

Астананың мамандандырылған ауданаралық әкімшілік сотының үкімімен тұрғын ҚР Әкiмшiлiк құқық бұзушылық туралы кодексінің 73-2-бабы, 1 тармағы бойынша әкімшілік жазаға тартылды. Сондай-ақ, оған 15 АЕК көлемінде айыппұл салынды. Үкім заңды күшіне енді.