1,3 миллион теңге алимент төлемеген атыраулық тұрғын жүргізуші куәлігінен айрылды

Жыл сайын жинала берген алимент көлемі 1 320 000 теңгеге дейін жетіпті.

Атырау соты алимент төлемегені үшін ер азаматты жүргізуші куәлігінен уақытша айырды, – деп жазады Sn.kz.

2007 жылдың сот шешімі бойынша еркек баласына алимент төлеуі керек болған. Бірақ жауапты азамат бұл талапты осы күнге дейін орындамай келген. Жыл сайын жинала берген алимент көлемі 1 320 000 теңгеге дейін жетіпті.

Атырау қалалық ІІД-нің хабарлауынша, бұрынғы әйеліне қарызды төлеу үшін ер азамат ешқандай да әрекетін қарастырмаған. Осы ретте сот алимент төлемегені үшін оның жүргізуші куәлігіне шектеу қойған.