Бүгін еліміздің басым бөлігінде жаңбыр жауады
![Baq.kz, сурет - Zakon.kz жаңалық 03.05.2018 15:04](https://kaz.zakon.kz/pbi/WEBP/2023-12-20/file-8c1ec2ac-1648-4c97-a2e8-ca3e44f812ce/800x452.webp)
Қазақстанда алдағы күндерде атмосфералық ағындардың өтуіне байланысты елдің басым бөлігінде жауын-шашын болады, деп хабарлайды Zakon.kz Қазгидрометке сілтеме жасап.
Қазақстанның батысы мен оңтүстігінде ғана жауын-шашын болмайды.
Республиканың кей жерінде күн күркіреп, жел күшейіп, оңтүстікте шаңды дауыл көтеріледі.
Шығыс Қазақстан облысының бірқатар аймағында желдің жылдамдығы секундына 15-20 метрге дейін күшейіп, түнде екпіні секундына 25 метрге дейін жетеді. Түнде және күндіз жекелеген аудандарда тұман түседі.
Ақмола облысының кей жерінде секундына 15-20 метр жылдамдықпен жел ұйытқиды, түнде және таң ата тұман түседі.
Қостанай, түнде Павлодар, күндіз Жамбыл, Оңтүстік Қазақстан, Маңғыстау облыстарында желдің жылдамдығы секундына 15-20 метрге жетеді.
Қызылорда облысында күндіз бірқатар аймағында жел күшейіп, жылдамдығы секундына 15-20 метр болады, шаңды дауыл да көтерілуі ықтимал. Солтүстік Қазақстан, Қарағанды облыстарында тұман түсуі мүмкін.