Ресейден әкелінген тауық етінен қауіпті кесел табылған

Хабар 24

Жұқпалы ауру Ресейден әкелінген тауық етінің фаршының бір партиясынан анықталды.

Қостанайда әлеуметтік тағамдарға тексеріс кезінде сальмонелла бактериялары табылған, деп хабарлайды Хабар 24.

Жұқпалы ауру Ресейден әкелінген тауық етінің фаршының бір партиясынан анықталды. Мониторинг барысында Беларусь, Украина, Қырғызстан мен Ресейден келген құс өнімдерінен үш жүзден астам сынамалар алынған. Олардың 20%-ы кедендік одақтың техникалық регламенттер талаптарына сәйкес келмейтіні белгілі болған. Әйтсе де Қостанай облыстық қоғамдық денсаулық сақтау департаменті мамандары: «Алаңдауға негіз жоқ. Тиісті шаралар қолданылды. Қауіпті кесел білінген тағамдарды елімізде сатуға шектеу қойылды», – деп мәлімдеп отыр.

– Жақында комитеттің тапсырмасы бойынша мониторинг өткізілді. Сол мониторингтің нәтижесі бойынша бір тауардан сальмонеллез табылды. Ол бойынша біздің департаменттің өкілдері ұйғарым берді. Ол бойынша бұл тауарлар сатылымнан алынды. Қазіргі таңда жоспардан тыс мониторинг жүргізілді. Жаңағы тауар қазіргі уақытта дүкеннен алынып тасталды, - деді Қостанай облыстық қоғамдық денсаулық сақтау департаментінің баспасөз хатшысы Назерке Ахметова.

Оқи отырыңыз