Жаңалықтар тізбегі
0

Мәжіліс Төрағасы Грузияның вице-премьер министрімен кездесті

ҚР Парламенті Мәжілісі Аппаратының Баспасөз қызметі ҚР Парламенті Мәжілісі Аппаратының Баспасөз қызметі
Жүздесу барысында парламентаралық ықпалдастықты нығайтуға да зор көңіл бөлінді.

Бүгін Парламент Мәжілісінің төрағасы Нұрлан Нығматулин Грузияның вице Премьер-министрі, Сыртқы Істер министрі Михеил Джанелидземен кездесті. Бұл туралы zakon.kz ҚР Парламенті Мәжілісі Аппаратының Баспасөз қызметі берген ақпаратқа сілтеме жасап хабарлайды.

Тараптар екіжақты қарым-қатынасты нығайтудың, соның ішінде сауда-экономкалық, мәдени-гуманитарлық, халықаралық байланысты дамытудың өзекті сұрақтарын талқылады.

Халықаралық ынтымақтастық төңірегінде Қазақстан Президенті Нұрсұлтан Назарбаевтың халықаралық жағдайларды реттеуде елдер арасындағы өзара сенім мен сындарлы үнқатысуға айрықша назар аударатынын алға тарта келіп, Мәжіліс Спикері біздің мемлекеттеріміздің осы саладағы ұстанымдарының өте жақын екенін еске салды.

Осы ретте Мәжіліс Төрағасы Қазақстан Президентінің БҰҰ аясында халықаралық лаңкестік пен экстремизмге қарсы іс-қимылдың бірыңғай әлемдік жүйесін құру туралы бастамасының маңыздылығына тоқталды. Н. Нығматулин атап өткендей, Қазақстан Грузиямен жан-жақты әріптестікті нығайтуға ерекше мән береді.

Өткен жылы екі ел арасында дипломатиялық қатынастың орнағанына 25 жыл толды. Осы уақыттарда өзара сыйластық пен сенім негізінде арадағы ықпалдастық тереңдей түсті.

Өз кезегінде мәртебелі мейман Қазақстанның ішкі және сыртқы саясатындағы тұрақтылық пен таңданаралық қарқынды дамуы тек аймақтағы елдер емес, әлем елдеріне үлгі екенін жеткізді.

Жүздесу барысында парламентаралық ықпалдастықты нығайтуға да зор көңіл бөлінді.

Мәжіліс Төрағасы осы орайда ынтымақтастық жөніндегі топтар жұмысын күшейтуге назар аударды.

Айта кетейік, биылғы жылы, қазан айында Грузияда маңызды саяси науқан –Президент сайлауы өтеді.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз