Жаңалықтар тізбегі
0

Астананың көлік жүргізушілерін тәртіпке шақырған кім?

sputniknews.kz, сурет - Zakon.kz жаңалық 13.06.2018 21:19 sputniknews.kz
Астанада жол апаты саны азайды.

Астана жүргізушілері жол жүру ережесін сирек бұзатындықтан, жол апаты саны күрт азайды. Астана ішкі істер департаментінің пайымдауынша, темір тұлпар иелерін халық арасында "Исекешевтің көреген көзі" деп аталатын "Сергек" жүйесі тәртіпке келтірді деп жазады sputniknews.kz.

Қазақстанның құқықтық статистика және арнайы есеп комитеті жариялаған мәліметке сүйенсек, Астанада бес ай ішінде жол апаты саны 17,5%-ға азайған. 2017 жылмен салыстырғанда 216-дан 178-ге түсіпті. Зардап шеккендер саны 19,2%-ға қысқарды — 236-дан 193-ке. Жол апатынан қаза тапқандар саны 40%-ға азайды – былтыр осы уақыт аралығында 15 адам ажал құшса, биыл – тоғыз.

"Астанада жол апатының азаюына жүргізушілердің жол ережесін сирек бұзуы, жылдамдық режимін сақтауы басты себеп болып отыр. Ең әуелі, "Сергек" жүйесін орнатудың септігі тиді. Қазір бақылау камералары қаланың жартысын қамтиды, әлі де орнатып жатырмыз", — дейді Астананың әкімшілік полиция басқармасы әкімшілік тәжірибе бөлімі басшысының орынбасары Бауыржан Тоқжұманов.

Сонымен бірге, жол апаты көрсеткішінің төмендеуіне бағдаршамсыз жаяу жүргіншілер өткелінің азаюы себеп болған. Қазір бұл өткелдерде батырмасы бар бағдаршамдар орнатылуда.

Үшінші себеп – біржақты қозғалыс көшелерінің пайда болуы: тар көшелердегі жол апаты саны айтарлықтай қысқарған екен.

Бұдан бөлек, автобустарға арналған жолақтардың енгізілуі жол апатының азаюына оң ықпалын тигізді.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: