Атыраулық полицейлер дәріханаларды тексеруде
![www.inform.kz, сурет - Zakon.kz жаңалық 05.07.2018 18:40](https://kaz.zakon.kz/pbi/WEBP/2023-12-20/file-3b2c42d5-b19f-40f0-94c1-d9ea48218dd3/800x452.webp)
Есірткі заттарын заңсыз жарнамалау фактілері анықталған емдеу мекемелері ҚР ӘҚК-нің 423- бабына сәйкес жауапкершілікке тартылды.
Атырау облысында есірткі заттарын заңсыз жарнамалау фактілері анықталды, деп хабарлайды ҚазАқпарат тілшісі.
«Жоспарлы алдын алу шарасы барысында Ішкі істер департаментінің қызметкерлері медициналық-профилактикалық мекемелер мен дәріханаларды тексерді. Полицейлер 6 жеке кәсіпкерге тиесілі 13 дәріханада болды. 6 дәріханада препараттарды рецепті бойынша жіберуде (ҚР ӘҚК-нің 426-бабында көзделген) бұзушылықтар анықталды», - деп хабарлады Ішкі істер департаментінің баспасөз қызметінен.
Сондай-ақ «№1 Атырау қалалық емханасы» ҚМК-да лицензиялау нормаларының бұзылуы анықталды.
Бұдан бөлек, «морфин» есірткілік препаратының пайдаланылған ампулалары жойылмаған болып шықты. Әкімшілік хаттама толтырылды.
«Рейд барысында есірткілік заттарды заңсыз жарнамалау және насихаттаудың 2 фактісі тіркелді. Жинақталған материалдар ІІД-нің Ақпараттарды есепке алу кітабына тіркеліп, ҚР Денсаулық сақтау министрлігі Фармация комитеті Атырау облысы бойынша департаментіне жолданды», - делінген таратылған хабарламада.
Есірткі заттарын заңсыз жарнамалау фактілері анықталған емдеу мекемелері ҚР ӘҚК-нің 423- бабына сәйкес жауапкершілікке тартылды.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript