Бас прокуратура көмір бағасының өсу себебін тексереді

ҚР Бас прокурорының тапсырмасымен халықтық құқығы мен мүддесін қорғау мақсатында көмір өндіру және оның айналымы саласындағы заңдылықтың жай-күйіне сараптама жүргізіледі, деп хабарлайды ҚазАқпарат тілшісі.

«Бас прокуратураға көмір саудасы саласындағы жекелеген нарық субъектілерінің тарапынан басым және монополиялық жағдайды асыра пайдалануы, олардың бәсекеге қарсы әрекеттер жасауы, көп деңгейлі делдалдық құрылымдарды пайдалануы, соның салдарынан қатты отын құнының көтерілуі туралы ақпараттар түсіп жатыр»,- деп атап өткен ведомстводан.

Таратылған ақпаратқа қарағанда, нарықтың ортан қол субъектілерінің ымыраласу фактілерін анықтау және жолын кесу жұмыстары басталып кеткен.

«Бұған қоса, облыс прокурорларына жылу беру маусымы қарсаңында және кезінде көмір бағасының бағалаусыз және негізсіз өсуіне жол бермеуді қамтамасыз ету тапсырылды», - делінген Бас прокуратура ақпаратында.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021