Жаңалықтар тізбегі
0

“ШҚО-да көмір 18 мың теңге” Қыркүйекте қар түссе, ел отынсыз қалуы мүмкін

altaynews.kz altaynews.kz
Монополияға қарсы қызметтер қайда қарап отыр?

Шығыс Қазақстанның Үржар ауданында көмір бағасы 18 мың теңгеге жеткен. Бұл туралы облыс әкімі Даниал Ахметов әкімдіктің мәжілісінде айтты, деп хабарлайды Алтайнюьс.

Өңірдің жылыту маусымына қаншалықты дайын екенін облыстық энергетика және коммуналдық шаруашылық басқармасының басшысы Мұрат Мұсатаев баяндады. Оның айтуынша, Тарбағатай, Бородулиха, Аягөз, Көкпекті аудандарында халықты қажетті көмірмен қамту көрсеткіші 8-17 пайыз аралығында қалып отыр. Облыс әкімі мұндай көрсеткіш Шығыс Қазақстан үшін алаңдарлық жағдай екенін айтып, басқарманың жұмысын сынға алды.

«Қыркүйектің 15-інде қар түсе қалса, елдің бәрі отынсыз қалуы мүмкін. Мен сіздерге мамыр айынан бері елді көмірмен қамтуға тапсырма бергенмін. Үш ай бойы арқаны кеңге салып жүрдіңіздер. Ертең аяқ астынан Аяз ата келіп, елді шулатса, қылар қайрандарыңыз жоқ. Барлық әкімдер қыркүйектің ортасына дейін елді 100 пайыз көмірмен қамтитын болсын. Бұл мәселеде ешбір сылтау қабылданбайды. Өйткені, қажетті қаражат бюджетке мамыр айында салынып қойған» – деді Даниал Ахметов.

Ал көмір бағасына қатысты былықты ретке келтіру табиғи монополияны реттеу және бәсекелестікті қорғау департаментіне жүктелді.

«Үржар ауданында көмір бағасы шынымен 18 мың тоннаға жеткен. Монополияға қарсы қызметтер қайда қарап отыр? Көмір тасымалдаумен айналысатын адамдардың жұмысын мемлекеттік кіріс департаменті қолға алсын. Тасымал бағасы көмірдің бағасына әсер етпеуі керек. Осының бәрін мұқият зерттеп, орын алған былықты реттеу бойынша ұсыныс енгізіңіздер» – деді әкім.

Мәжілісте облыстың кейбір аудандарында медициналық нысандардың да қысқа дайындығы мардымсыз екені мәлім болды.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: