СҚО-да жол жөндеуге бөлінген қаржы жымқырылды

Қазір аталған іске қатысты Қылмыстық кодекстің 189-бабы бойынша тиісті іс қозғалды.

Солтүстік Қазақстан облысында мемлекет қаржысы талан-таражға салынды. Мемлекеттік кірістер департаментінің мәліметінше, биыл тек жол құрылысы саласында осындай 7 факт анықталған. Бұл туралы zakon.kz, Хабар 24 жазған ақпаратқа сілтеме жасап хабарлайды.

Қазір аталған іске қатысты Қылмыстық кодекстің 189-бабы бойынша тиісті іс қозғалды.

Айта кетейік, өңірде осы жылы бюджет қаржысын жымқырудың 40-қа жуық әрекеті әшкереленді.

Нұрымжан Абатов, облыстық Мемлекеттік кірістер департаменті басшысының орынбасары: - Автомобиль жолдары мен ғимараттарын салуға байланысты 7 қылмыстық іс қозғалды. Мемлекетке келтірілген шығын 150-200 миллион теңгені құрап отыр. Бүгінгі күні бірқатар іс сотқа жіберілді. Қалғандары бойынша тергеу амалдары жүргізіліп жатыр.