"Рахат" фабрикасы жаңа өніммен қуантуды жоспарлауда
Zakon.kz
«Рахат» АҚ Басқарма төрағасы Константин Федорец Zakon.kz сайтының журналистеріне берген сұхбатында жаңа өнім түрлерін күтуге бола ма, сондай-ақ компанияның жақын арада тәттілерді өндірумен ғана айналыспайтыны туралы айтып берді.
Фабриканың күнделікті өндірістік қуаты тәулігіне 250 тонна өнім шығарады. Елдің кондитерлік өнімдері әлемнің 11 еліне, соның ішінде Германия мен Қытайға экспортталады. Кәсіпорын 10 цех пен бір қосалқы цехтен тұрады. Бүгін зауыт басшылығы журналистерге шоколад өндірудің жаңа желісін көрсетуді шешті. Оған компанияның өз қаражатынан шамамен 2 млрд теңге инвестиция жұмаслды. Қызмет көрсету үшін 45 жұмыс орны құрылды.
«Рахат» - нарықтың көшбасшысы және серпінді дамып келе жатқан компания. Біз жаңа орта және ұзақ мерзімді стратегия әзірледік, оның бір бөлігі жаңа өнім желісін іске қосу болып табылады, өйткені шоколадты тұтыну күн сайын өсіп келеді. Адамдар уақытпен тексерілген сапалы тауарларды таңдайды. Қазір біз өндірісте тек заманауи технологияларды қолданамыз. Үздік шикізаттарды тікелей жеткізушілерден сатып аламыз. Жаңа өнімге келсек - бұл мүлдем жаңаша неміс өнімі, оның өнімділігі бүгінгі қажеттіліктерді қанағаттандыру үшін жеткілікті түрде жоғары. Келесі кезең тұтынушыны жаңа өнімдермен қуанту болып табылады», - деді Константин Федорец.
Белгілі болғандай, жаңа түрді іске қосу барысында, жақын арада фабрикада кеуекті шоколад түрі де жаңартылады: қара, сүтті және ерекше - «Казақстан» шоколадының рецепті негізінде жасалады. Бұдан басқа, бұл құрылғы әр түрлі салмамен түрлі шоколадты шығаруға мүмкіндік береді.
«Батыл қадамдар жасау жоспарымызда бар, алдағы 5 жылда біз азық-түлік өнімдер нарығының басқа салаларына да кіретін тік біріктірілген, көп салалы компания болғымыз келеді», - деді компанияның басқарма төрағасы.
