Ақтөбе облысында кісі өлтіру қылмысы екі есеге көбейген

Із-түзсіз жоғалған 68 азамат табылған. Оның да жетеуі кәмелеттік жасқа толмағандар.

Сондай-ақ кісі дүниесіне қол сұғушылық 20 пайызға артып отыр. Бұл туралы zakon.kz, Хабар 24 арнасы жариялаған ақпаратқа сілтеме жасап хабарлайды.

«Бұл – өткен тоғыз айдың қортындысында анықталған деректер», – дейді облыстың бас полицейі Махамбет Әбисатов. Дегенмен тыныштық күзетшілерінің кешенді іс-әрекеті арақасында кейбір қылмыс түрлерінің беті қайтқаны байқалады.

Атап айтқанда, автокөлік ұрлау дерегі – үштен бірге, суық қаруға қатысты қылмыстар – 1,5-2 есеге, сондай-ақ алаяқтық пен ауыр қылмыстар айтарлықтай азайған.

Жыл басынан бері құқық қорғау органдары өткізген іс-шаралар нәтижесінде іздеуде жүрген 75 қылмыскер анықталса, оның 11-і халықаралық іздеу жарияланған азаматтар.

Із-түзсіз жоғалған 68 азамат табылған. Оның да жетеуі кәмелеттік жасқа толмағандар.