Ақтөбеде 9 жасар бала екі қолынан айрылып қалды

Бала ауруханаға жеткізіліп, оған 10 қазанда ота жасалған.

Ақтөбеде тоқтан күйік алған 9 жасар бала екі қолынан айырылып қалды деп жазады sn.kz.

5 қазанда 9 жасар бала Шалқар қаласында мектептің ауласындағы трансформаторға шығып, екі қолынан күйік алған.

Бұл оқиға сабақтан кейін болған. Баланы ары-бері өткендер көріп қалып, бірден жедел жәрдемге хабарласыпты.

Бала ауруханаға жеткізіліп, оған 10 қазанда ота жасалған. Алайда, дәрігерлер оның екі қолын сақтап қала алмады.