Астанада 70 жастағы әжей таксиде 6 миллион теңгесін тастап кетті

Sputniknews.kz

Зейнеткер банктегі есепшотынан қомақты ақша шешіп алып, ақ түсті көлікке отырған.

Астана полицейлері зейнеткерге жоғалтып алған 6,5 миллион теңгесін қайтарып берді, деп хабарлайды Sputnik Қазақстан.

"Байқоңыр" ауданы полиция бөлімшесіне 70 жастағы әжей жүгінген. Ол таксиде қомақты ақша салынған пакетті тастап кеткенін хабарлады.

Зейнеткердің айтуынша, қаладағы банктердің біріндегі есепшотындағы ақшасын шешіп алғаннан кейін далаға шығып, ақ түсті таксиге отырған.

Көліктен түскеннен кейін бір-екі минуттан соң қария таксидің артқы орындығында ақшасын ұмытып кеткенін біледі.

"Ақшасын тастап кеткеніне қынжылған әйел полицияға келеді. Аудандық іскі істер басқармасының криминалдық полиция қызметкерлерінің дұрыс әрекетінің нәтижесінде бейнебақылау камераларынан зейнеткерді жеткізіп салған "Хонда" көлігі анықталады. Такси жүргізушісін полицияға жеткізіп, көліктің артынан ақша салынған пакет табылды", — деп хабарлады Астана қаласы ІІД баспасөз қызме

ті.

Зейнеткер ақшасын тез тауып берген полицейлерге алғысын жеткізді.

Оқи отырыңыз