Астанада интернет арқылы құндыз ішік «сатқан» алаяқ ұсталды
moya-shubka.ru
23 жастағы бойжеткен Instagram әлеуметтік желісінде құндыз ішік пен тері өнімдерін сату туралы жалған парақша ашып, құнын нарықтағы бағадан төмен екендігін көрсетіп отырған.
Криминалдық полиция қызметкерлері интернет-алаяқтық жасады деген күдікпен Тараз қаласының 23 жастағы тұрғынын қамауға алды, деп хабарлайды Елорда Инфо Астана қаласының полиция департаментіне сілтеме жасап.
23 жастағы бойжеткен Instagram әлеуметтік желісінде құндыз ішік пен тері өнімдерін сату туралы жалған парақша ашып, құнын нарықтағы бағадан төмен екендігін көрсетіп отырған. Сатып алушыларды тарту үшін құндыз ішіктердің әдемі суреттері мен жалған мекенжай көрсетілген сауда орталықтарының атауын жазып отырған. Кейін дауысын танып қоймауы үшін сатып алушылармен әңгімені тек WhatsApp арқылы жүргізген.
Тауарды үйге дейін жеткізіп беретініне сендіріп, тауардың ақысын 100% көлемде Qiwi-әмиянға аударуға көндірген.
«Алданғандар ұқыптылығын жоғалтып, 100 мыңнан 300 мың теңгеге дейін бойжеткеннің шотына аударған. Ақшаны алысымен ол телефон нөмірін бұғаттап, желідегі парақшасын мен ұялы телефонын өшіріп тастап отырған. Нәтижесінде ол жеті адамды 1,5 млн теңгеге алдады. Қазіргі күні ҚР Қылмыстық кодексінің 109 бабының 2 тармағына сәйкес (алаяқтық) сотқа дейінгі тергеу жүргізіліп жатыр» делінген хабарламада.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
