Алматыда өтетін "Әлем барысына" 29 елден балуандар келеді

1 желтоқсан күні Алматыда қазақ күресінен "Әлем барысы" абсолюттік әлем чемпионаты қатысушыларының ресми салмақ өлшеу рәсімі өтеді.

Алматы қаласында 1-2 желтоқсан күндері Тұңғыш Президент күніне орай қазақ күресінен "Әлем барысы" өтеді, деп хабарлайды ҚазАқпарат тілшісі.

ҚР Қазақ күресі федерациясының баспасөз қызметі мәлім еткендей, 1 желтоқсан күні Алматыда қазақ күресінен "Әлем барысы" абсолюттік әлем чемпионаты қатысушыларының ресми салмақ өлшеу рәсімі өтеді.

Жарысқа 29 елден 34 балуан қатыспақ. Қазақ күресінен "Әлем барысы" абсолюттік әлем чемпионаты 2 желтоқсан Балуан Шолақ атындағы спорт сарайында болады.