Төрт күнде 2 мың шақырымнан астам темір жол қардан тазартылды
yaroslav-gunin.livejournal.com
Қар тазарту жұмыстарына 44 дана қар тазалау және қар аршу техникасы жұмылдырылған.
Соңғы төрт күн ішінде, яғни 18 мен 21 қаңтар аралығында ауа райының күрт бұзылуына байланысты шығыс өңірінің барлық станцияларында жолды қардан тазарту жұмыстары тәулік бойы жүргізілді. Бұл туралы "Қазақстан темір жолының" баспасөз қызметіне сілтеме жасап, ҚазАқпарат хабарлайды.
Жұмысқа шамамен 300 теміржолшы тартылды. Стансаларда жол шаруашылығы қызметкерлері, қар бұрқасыны кезінде бағыттамалы бұрмалардың жағдайына жауаптылар тәулік бойы кезекшілік етті.
"Қар тазарту жұмыстарына 44 дана қар тазалау және қар аршу техникасы жұмылдырылса, бұл ретте 2,5 мың шақырым жол қардан аршылып, 10 000 текше метр қар шығарылды. Жол дистанциясы қызметкерлері күш-жігерінің арқасында пойыздар қозғалысының кестесі бұзылған жоқ" делінген хабарламада.
Ауа райының күрделі жағдайы мен қардың ұйытқуы жөнінде ескертіліп, пойыздарды қауіпсіз және үздіксіз өткізуді қамтамасыз ету үшін күн сайын нақты шаралар қабылданып отыр.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
