Жезқазғанда қарақшылық шабуыл жасаған адам қолға түсті

jber.jb.mil

Қаскөй жүргізушінің көлігі мен ұялы телефонын иемденіп кетпек болған.

Жезқазғандық полицейлер қарақшылық жасады деген күдікті адамды тұтқындады, деп хабарлайды Zakon.kz.

Қарағанды облысы ПД баспасөз қызметінің хабарлауынша, 28-ші қаңтар күні Жезқазған қалалық Полиция басқармасына 55 жастағы азамат шағымданып, сол күні түнде Сәтбаев-Сарыкеңгір тас жолының бойында белгісіз біреу қару қолдану арқылы автокөлігі мен ұялы телефонын тартып әкетпекші болғанын айтқан.

"Жедел іздестіру іс-шаралары барысында криминалдық полиция және жедел әрекет ету арнайы жасақ қызметкерлерімен Сәтбаев қаласындағы пәтерлердің бірінде 24 жастағы азамат анықталып, ұсталды. Күдіктінің үйін тінту барысында айғақ зат ретінде – қос ауыз мылтық тәркіленді",- деп хабарлап отыр ведомства өкілдері.

Аталған факті бойынша ҚР ҚК 192 бабы 2 тармағына сәйкес қылмыстық іс қозғалды.

Ұсталған азаматқа қатысты "тұтқынға алу" шарасы қолданылып, іске қатысты тергеу амалдары жүргізілуде.

Басқа ақпарат ҚР ҚПК 201 бабына сәйкес жарияланбайды.

Оқи отырыңыз