Синоптиктер ақпан айына арналған ауа-райы болжамын жасады
pxhere.com
Синоптиктер ақпан айының ауа-райы болжамын жасады, деп хабарлайды Zakon.kz "Қазгидромет" РМК баспасөз қызметіне сілтеме жасап.
2019 жылғы ақпан айына арналған ауа райы болжамына сәйкес бірінші онкүндіктің ішінде жаппай бөліктердің жиі өтуімен барлық аумақтағы ауа райы нашарлауы мүмкін: жауын-шашын, кей жерлерде күшті, желдің 15-25 м/с дейін күшеюімен және республиканың солтүстік бөлігінде басым түрде боран, оңтүстік бөлігінде тұман және көктайғақ күтіледі.
Бірінші онкүндіктің ортасында Батыс Сібірдің аудандарынан батыстан шығысқа қарай суық антициклон жылжып, температуралық аяның төмендеуіне себеп болады.
Температураның төмендеуі:
- республиканың батысында, солтүстік-батысында түнде 20...30 аязға дейін, күндіз 15...23 аязға дейін;
- республиканың солтүстігінде, орталығында және шығысында түнде 33...43 аяз, күндіз 25...33 аяз;
- республиканың оңтүстігінде, оңтүстік-шығысында түнде 18...28 аяз, күндіз 5...15 аяз;
Ұзақ мерзімді болжамға сәйкес антициклонның ықпалымен алдағы екі онкүндік салқын және аз жауын-шашынды ауа райы басым болады, тек кейбір күндері белсенді циклондар мен онымен байланысты жаппай бөліктердің өтуіне орай жауын-шашынсыз ауа райы күтіледі.
Нәтижесінде республиканың басым бөлігінде бір ай ішінде орташа ауа температурасы нормадан 1...2°С төмен болады,тек республиканың батысы, оңтүстігі мен оңтүстік-шығысында – климаттық нормаға жуық.
Жауын-шашынның айлық мөлшері Солтүстік Қазақстан, Ақмола, Павлодар, Маңғыстау облыстарында, Ақтөбе, Қостанай, Қызылорда облыстарының басым бөлігінде, Қарағанды, Шығыс Қазақстан облыстарының кей жерлерінде нормадан аз болады деп болжануда, ал қалған аумақтарда нормаға жақын және жоғары.
