Атыраулық екі полицей кафе қожайынын соққыға жығып, істі болды
caravan.kz
Құрманғазы аудандық соты Құрманғазы аудан орталығында "Сушняк" кафесінің қожайынын ұрып-соққан екі полиция офицеріне қатысты іс бойынша үкім шығарды. Бұл оқиға өткен жылдың қазан айында орын алды. Төбелестің бейнежазбасы әлеуметтік желілерде тараған соң қоғамда дау тудырған болатын, деп хабарлайды Zakon.kz "Ақ Жайық" сайтына сілтеме жасап.
Тергеу барысында анықталғандай, 2018 жылдың 1 шілдесінде "Сушняк" кафесінде отырған Құрманғазы АІІБ-ның қызметкері полиция майоры Әміржан Ертаев оның қожайыны Нұрсейіт Әбуовке тіл тигізіп, содан кейін сыра саптыаяғымен басынан ұрады. Сол жерде болған Құрманғазы АІІБ бастығының орынбасары Жасұлан Мұқашев та Әбуовке тап бергенімен, бірақ көбінесе оларды айырған.
Кейіннен Мұқашев "қызметке толық сәйкес еместігі туралы ескерту" түрінде тәртіптік жауапкершілікке тартылды, ал Ертаевқа қатысты ҚР ҚК-нің 293-бабы (Бұзақылық) бойынша қылмыстық іс қозғалды.
Сотта ол кінәсін мойындау туралы мәміле түрінде іс жүргізу келісімін жасауға келісті. Сот Ертаевты кінәлі деп тауып, оны 1 жылға бас бостандығын шектеуге және полиция майоры атағынан айыруға үкім шығарды. Енді бұрынғы полиция қызметкері (сотқа дейін жұмыстан шығарылған) жәбірленушіге 32 мың теңге көлемінде материалдық зиянды және 200 мың теңге көлемінде моральдық зиянды өтеуге міндетті.
