Алматы облысында жоғалып кеткен жас жігіт өлі күйінде табылды

Түсініксіз жағдайда жоғалып кеткен Вакил Мамедов өлі күйінде табылды, деп хабарлайды Zakon.kz.

Редакцияға келіп түскен ақпарат бойынша, 23 жастағы жас жігіттің денесі ауыл шетінен табылған.

Алматы облысының полициясы да ақпаратты растап отыр.

- Жоғалып кеткен жігіттің денесінен зорлы-зомбылықтың іздері анықталды. Адам өлімі дерегіне қатысты қылмыстық өндіріс басталды. Қылмысқа қатысы бар күдікті тұтқындалып, ол Іле аудандық полиция бөлімшесінің уақытша ұстау изоляторына қамауға алынды. Сараптама жұмыстары да белгіленді. Қылмыстың себеп-салдары тергеу барысында анықталатын болады, - деді Алматы облысы ПД баспасөз қызметі.

Күні кеше БАҚ-та 22-ақпан күні Чапаев ауылында Вакил Мамедовтың жоғалып кеткені туралы ақпарат тараған болатын. Ол үйінен 20 минутқа шығып кетіп, содан қайтып оралмаған. Ал таңертең жігіттің туыстары үй жанынан қан іздерін байқайды. Із үйдің жертөлесіне апарған. Ол жерде суша аққан қан мен бір уыс шаш және Вакилдің құлаққаптары табылады. Редакция қаза тапқан жігіттің туыстарына қайғыра көңіл айтады.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021