"Ауыл" партиясы президент сайлауына өзін насихаттау үшін қатысады

"Ауыл" партиясы өз жұмысын насихаттау үшін президент сайлауын пайдаланып қалмақ. Алайда әзірге оның қатысуы нақты шешілмеді. Бұл туралы "Ауыл" Халықтық-демократиялық партиясы Орталық кеңесінің кеңейтілген отырысында партия төрағасы Әли Бекетаев мәлімдеді, деп хабарлайды Zakon.kz.

– Біз де Қазақстанның саяси ұйымы ретінде бұл сайлауға қандай жолмен қатысатынымызды ойластыруымыз керек. Менің ойымша, мұндай мәселе үш сағаттың ішінде шешіле қоймас. Сол себепті біз бүгін жиналып, өзіміздің қоғамдық-саяси көзқарасымызды білдірмекпіз. Ал сайлауға қатысу мәселесін біз саяси кеңес мүшелерімен, саяси кеңес президиумымен бірге жеке жиналып, талқыға салатын боламыз, – деді ол.

Бекетаев сондай-ақ, бұл сайлаудың "партияның Қазақстанның қоғамдық саяси өміріне қатысып қалуы үшін тағы бір мүмкіндік екенін" және партия жұмысын насихаттауға мүмкіндік беретінін айтып қалды.

– Біз бұл жағдайды міндетті түрде пайдаланып қалуымыз керек. Бұл енді анық нәрсе, – деді ол.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021