Талдықорғанда Кёкушинкай каратэден "Жас жауынгер" турнирі өтті
Zakon.kz
Жүлделі орын алған спортшы ұл-қыздар мамыр айында өтетін аймақтық турнирге жолдама алды.
Алматы облысында Кёкушинкай каратэден "Жас жауынгер" клубаралық турнир өтті. Аталған турнирге 4-9 жас аралығындағы каратэктер қатысты, деп хабарлайды Zakon.kz.
190 қатысушы бақ сынаған жарыста жалпыкомандалық есепте Үштөбе қаласындағы "Панда" клубы бас жүлдені иеленді.
"Турнирге Талдықорған қаласы, Ескелді, Көксу және Қаратал аудандарының ұландары қатысты. Жүлделі орын алған спортшы ұл-қыздар мамыр айында өтетін аймақтық турнирге жолдама алды. Облыс намысын қорғауы үшін жаттығуды күшейтетін боламыз",- деді Бүкіл қазақстандық Кёкушинкай каратэ ұйымының Алматы облысындағы жетекшісі Сания Қасабаева.
Жетісуда өтетін аймақтық турнирге Алматы және Шымкент қалалары мен Жамбыл, Қарағанды облыстарының спортшылары келеді деп күтілуде.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
