Арыста адам қалмады: мародерлер ұсталды
видеодан кадр
Қалада ұрлық деректері болмауы үшін полицияның 75 наряды жұмыс істеуде.
ҚР Ішкі істер министрі Ерлан Тұрғымбаев Арыс қаласынан шығатын жерлерде полиция бекеттері қойылғанын айтты, деп хабарлайды Zakon.kz тілшісі.
- Қазір Арыс қаласының периметрі бойынша бекеттер қойылды. Қалада ешкім дерлік қалмады. Зақымданған үйлер бар, жарылмай қалған снарядтар да бар. Азаматтардың қалаға кіруіне тыйым салынған, - деді ол үкімет отырысында.
Оның дерегінше, қалада ұрлық болмауы үшін полицияның 75 наряды жұмыс істеуде.
- Ұрлық жасаған үш адам ұсталып үлгерді. Олар екі қылмыс жасады – бір дүкен тоналып, бір үйден ұрлық жасалды, - деп нақтылады Тұрғымбаев.
Арыста 24 маусымда әскери қойма жарылып, қазірге дейін 2 адамның қаза тапқаны белгілі болып отыр: бір тұрғын мен бір әскери қызметкер.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Тәулік
Апта
Ай
Жыл
