Арыстан Нұр-Сұлтанға жеткізілген екі бала министрдің жеке бақылауында
![ҚР ДСМ баспасөз қызметі, сурет - Zakon.kz жаңалық 28.06.2019 22:52](https://kaz.zakon.kz/pbi/WEBP/2023-12-20/file-167b8b15-96fc-4e2f-9d71-288c88afec8d/800x452.webp)
Денсаулық сақтау министрі Елжан Біртанов Нұр-Сұлтандағы №2 қалалық балалар ауруханасына өзі барып санитарлық авиациямен жеткізілген екі кішкентай науқастың жағдайын көрді, деп хабарлайды Zakon.kz ҚР ДСМ баспасөз қызметіне сілтеме жасап.
"– №2 қалалық балалар ауруханасында балалардың еміне қажетті барлық жағдай жасалған. Білікті мамандарды шақырдық, мұнда медициналық аппараттар мен дәрі-дәрмек те жеткілікті. Балалардың жағдайы менің жеке бақылауымда болады", – деді ҚР Денсаулық сақтау министрі Елжан Біртанов.
2005 және 2011 жылдары туған екі кішкентай науқас Нұр-Сұлтандағы №2 қалалық балалар ауруханасындағы жансақтау бөлімінде жатыр.
Дәрігерлер екі науқастың да бас миы мен көкірегін КТ өткізіп, біреуіне операция жасады.
Отадан шыққан кішкентай пациенттің жағдайы өте ауыр. Екіншісінің жағдайы – тұрақты ауыр.
Денсаулық сақтау министрі аурухана басшысына науқастардың денсаулығына қатысты қандайда бір өзгеріс болса дереу мәлімет беріп отыруды тапсырды.