"Оңтүстіктің әдемі келіншегі". Дариға Назарбаева жаңа сенаторын мақтады
![zakon.kz, сурет - Zakon.kz жаңалық 04.07.2019 17:17](https://kaz.zakon.kz/pbi/WEBP/2023-12-06/file-8458c62b-b737-45ff-b85e-d35cf939cd0d/800x450.webp)
Шымкенттен жаңадан келген сенатор Әлеуметтік-мәдени даму және ғылым комитетінде жұмыс істеуге ниет білдірді.
ҚР Парламенті Сенатының жалпы отырысында Шымкенттен сайланған сенатор Айгүл Қапбарова ант қабылады деп хабарлайды Zakon.kz.
- Депутат Қапбарова Айгүл Жарылқасынқызы Шымкент атынан сенатор боп сайланды. Айгүл Қапбарова - Қазақстанның оңтүстігінен келген қазақтың әдемі келіншегі. Ол бізге әйел адам жіберсе деген менің тілегімді қабыл алғандай. Әкімдік пен мәслихатқа (Шымкенттің) көп алғыс. Қызметте тек табыс тілейміз, - деді Палата спикері Дариға Назарбаева.
Одан соң Айгүл Қапбарова ант қабылады.
Назарбаеваның айтуынша, Шымкенттен жаңадан келген сенатор Әлеуметтік-мәдени даму және ғылым комитетінде жұмыс істеуге ниет білдіріпті.
Айгүл Жарылқасынқызы еңбек жолын 1997 жылы облыстық телерадиокомпанияның редактор-тілшісі болып бастаған. Одан кейін 2003-2011 жылдары "Оңтүстік Қазақстан" газетінің Саясат бөлімінің меңгерушісі, 2011-2012 жылдары "Шымкент Медиа" МКК директоры-бас редакторы болып істеді. 2012 жылдың наурыз айынан бүгінге дейін "Шымкент ақпарат орталығы" ЖШС директор-бас редакторы қызметін атқарды.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript