Жемқорлықтың ащы жемісі: Қазақстанның жолдары шұрық-тесік
![YK-avto.kz, сурет - Zakon.kz жаңалық 11.07.2019 21:58](https://kaz.zakon.kz/pbi/WEBP/2023-12-20/file-b2e90a64-b860-43c6-99a7-50070fc477d9/800x452.webp)
Соңғы 3,5 жылда жол құрылысы саласында 100-ге жуық жемқорлық деректерінің жолы кесілген.
2018 жылдың қорытындысы бойынша Қазақстан автокөлік жолдарының сапасы бойынша әлемдік рейтингтің аутсайдері атанды. Бұл туралы Сыбайлас жемқорлыққа қарсы іс-қимыл агенттігі төрағасының бірінші орынбасары Олжас Бектенов мәлімдеді, деп хабарлайды Zakon.kz тілшісі.
- Автокөлік жолдары саласындағы проблемалардың ауыртпалығын халық көреді. Өкінішке қарай, 2018 жылдың қорытындысы бойынша біздің еліміз жолдардың сапасы жағынан 140 елдің арасынан 106-шы орынға қойылды. Біз аутсайдерміз. Жолдардың жаман күйде болуына негізінен сыбайлас жемқорлық себеп, - деді Бектенов.
Соңғы 3,5 жылда жол құрылысы саласында 100-ге жуық жемқорлық деректерінің жолы кесілген.
- "ҚазАвтоЖол", "ҚазақАвтоДор" сияқты ұйымдар, жергілікті атқарушы органдар, зертханалар мен өзге де көптеген құрылымдардың қызметкерлерінің жолдан ақша жегені әшкереленді, - деп еске салды ол.
Жол құрылысынан ақша жеу деректері негізінен парақорлық, контрактқа қол қою, заңсыз кәсіпкерлікке жол беру, әкімшілік шаралар қабылдамау, сондай-ақ мемлекеттік сатып алу барысында бюджет қаржысын жымқырумен байланысты болып отыр.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript