Атом энергиясы жөніндегі халықаралық агенттіктің басшысы көз жұмды

Атом энергиясы жөніндегі халықаралық агенттіктің бас директоры Юкия Амано қайтыс болды, - деп хабарлайды Zakon.kz.

Бұл туралы осы ұйымның баспасөз қызметі хабар таратқан.

"Атом энергиясы жөніндегі халықаралық агенттіктің хатшылығы осы агенттіктің бас директоры Юкия Аманоның қайтыс болғаны туралы қаралы хабарды жеткізеді", - делінген хабарламада.

Осыған байланысты ұйымның штаб-пәтерінің төбесіндегі ту төмен түсірілді.

Агенттік Аманоның қызметінен өз еркімен кетуге дайындалып жүргенін жеткізген. Ол 2009 жылы АЭХА басшылығына келген, оған дейін Агенттіктегі Жапонияның елшісі және тұрақты өкілі болды. Дипломат сондай-ақ Біріккен ұлттар ұйымында (БҰҰ) қызмет етті, 1972 жылдан бастап Жапонияның Сыртқы істер министрлігінде әртүрлі қызмет атқарды. Қарусыздану және ядролық қаруды таратпау тақырыбына маманданған. Ол 74 жасына қараған шағында көз жұмды.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021