Златан Ибрагимович матч кезінде қарсыласының жағын сындырды

Суретте футболшының тиген шынтағының ізі ойылып көрініп тұр.

"Лос-Анджелес Гэлаксидің" швециялық футболшысы Златан Ибрагимович "Лос-Анджелес" ойыншысы Мохаммед Эль-Монирдің жағын сындырды. Оқиға америкалық MLS чемпионаты аясындағы матч барысында болған, – деп хабарлайды Хабар 24.

Лос-Анджелестің екі командасы 19-маусымда кездескен. Матч "Гэлаксидің" пайдасына 3:2 есебімен аяқталды. Бұл ойында Ибрагимович хет-трик авторы атанды.

Ойын барысында 37 жастағы форвард әуедегі допқа талас кезінде қарсыласын шынтағымен ұрып жіберген. Салдарынан Эль-Монирдің бет сүйегі сынған. Сол сәттің видеосы мен жарақаттанған футболшының рентген суретін "Нью-Йорк Ред Буллс" ойыншысы Армо Тарек Twitter желісіндегі парақшасында жариялады.

Жергілікті БАҚ-тың хабарлауынша, Эль-Монирге енді ота жасалады, футболшы үшін маусым ерте аяқталды.

This is just unbelievable!!! ElMounir is going to have a surgery tomorrow! pic.twitter.com/XQnT8xEC5K

— Amro Tarek (@AmroAbdelAziz) July 22, 2019