Гейлер мен лесбиянкалар Нұр-Сұлтан мен Алматыда митингке шықпақ
![kazanpress.ru, сурет - Zakon.kz жаңалық 26.08.2019 18:02](https://kaz.zakon.kz/pbi/WEBP/2023-12-20/file-b38bacb0-1b6c-48be-a62b-702dbe307cf7/800x452.webp)
Бір белсенді Нұр-Сұлтан мен Алматыда тұңғыш рет ЛГБТ (Lesbian, Gay, Bisexual, Transgender) митингін өткізуге өтініш берді. Бұл туралы kok.team сайтында айтылады, деп хабарлайды Zakon.kz.
22 тамызда астаналық белсенді Айдар Елкеев “Қазақстандағы ЛГБТ-қауымдастығының құқығын, заңды мүдделерін қорғау” мақсатында митинг өткізуге екі өтініш берді. Бірі Алтай Көлгіновтің атына жазылып, Нұр-Сұлтан әкімдігіне жолданды, екіншісі Алматы әкімдігіне, Бақытжан Сағынтаевтың атына кетті.
Митинг өткізу туралы өтініш екі күнге берілген - 30 тамызға және 8 қыркүйекке.
Әкімдіктер рұқсат берген жағдайда, Нұр-Сұлтандағы митинг сағат 10-да А.Пушкин мен Ш.Құдайбердіұлы көшелерінің қиылысындағы бақта өтеді. Оған 1000 адам қатысады деп күтілуде.
Алматының митингі де сағат 10-да “Сары Арқа” кинотеатрының артындағы бақта өтпек. Оған да 1000 адам қатысады деп жоспарлануда.