Балқаштың бұрынғы әкімі мемлекетке 3 млн теңге шығын келтірген

Балқаш өңірі бойынша Сыбайлас жемқорлыққа қарсы іс-қимыл қызметі Балқаш қаласының бұрынғы әкіміне, "Балқаш қаласы әкімінің аппараты" мемлекеттік мекемесінің басшысына және әкімдіктің басқа да лауазымды тұлғаларына қызмет бабын асыра пайдаланып, мемлекетке 3 миллион теңгеден астам мөлшерде залал келтірді деген күдікпен сотқа дейінгі тергеуді бастады, деп хабарлайды Zakon.kz.

- Әкім аппаратының жетекшісі арнайы әкімшілік соттың үкімімен жүргізуші куәлігінен 3 жыл мерзімге айырылғанына қарамастан көлік рөліне отырып, жол-көлік оқиғасын жасаған. Олар бұл жағдайды жасырып қалған, - дейді Сыбайлас жемқорлыққа қарсы іс-қимыл қызметі.

Оларға "Жарғылық капиталды толтыру туралы", "Автокөлік құралын беру туралы" қала әкімінің ресми бұйрығына жалған деректер қосып, жөндеуге жарамай қалған автокөлікті "СуЖылуТранс" мемлекеттік кәсіпорнына заңсыз берді деген айыптар тағылған.

Тергеу жалғасуда. Күдіктілерге қатысты әрқайсысының кінәсі дәрежесін анықтай отырып түпкі шешімді сот қабылдайды.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021