Жаңалықтар тізбегі
0

Алматы облысында табиғат қорғау заңнамасын бұзудың 70-ке жуық дерегі ашылды

wikimedia.org wikimedia.org
"Браконьер" жедел алдын алу іс-шарасы 5 қазанда басталып, айдың соңына дейін жалғасатын болады.

Алматы облысының тәртіп сақшылары табиғат қорғау органдарымен бірлесе отырып, 5 күн ішінде табиғат қорғау заңнамасының талаптарын бұзудың 67 дерегін анықтады. Оның 16 дерегі бойынша қылмыстық өндіріс қозғалды, - деп атап өтті облыстық ПД баспасөз қызметі.

Алматы –Өскемен автожолында Шығыс Қазақстан облысының 40 жастағы азаматының көлігінен тасымалдауға қажетті құжаттары жоқ 5 тонна ақсерке балығы табылды. Қазіргі уақытта мемлекетке келтірілген шығын есептелуде. Сотқа дейінгі тергеу амалдары кезінде істің мән-жайы анықталатын болады.

Бұған дейін полицейлер балқаш ауданынында жабайы шошқаны заңсыз атып алған жергілікті тұрғынды ұстады. Оның мемлекетке 630 мыңнан астам шығын келтіргені анықталды.

Сондай-ақ, Кербұлақ ауданының тұрғынын пайдалануға тыйым салынған электр тоғы бар қармақпен балық аулағаны үшін қылмыстық жауапкершілікке тарту көзделуде.

Қапшағай су қоймасында Іле ауданының заңсыз балық аулауды кәсіп қылған төрт тұрғынынан 4 қайық және олардың қозғалтқыштары мен 159 кило балық тәркіленді. Аталған дерек бойынша ҚР Қылмыстық кодексінің 335-бабына сәйкес сотқа дейінгі тергеу амалдары жүргізілуде.

Полицейлер таратқан ақпаратқа сәйкес, "Браконьер" жедел алдын алу іс-шарасы 5 қазанда басталып, айдың соңына дейін жалғасатын болады. Бес күн ішінде полицейлер заңсыз ағаш кесудің – 9, балық аулау заңнамасын бұзудың -6, аң аулаудың бір дерегі бойынша қылмыстық іс қозғап, 47 тұлғаға қатысты әкімшілік хаттама толтырған.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз