Тоқаев пен Жээнбеков "Ата бейіт" Ұлттық тарихи-мемориалдық кешеніне гүл қойды

Мемлекеттер басшылары 1916 жылғы қайғылы оқиға кезінде қаза болғандарға орнатылған ескерткішке гүл шоғын қойды.

Қазақстан Президенті Бішкектегі "Ата бейіт" Ұлттық тарихи-мемориалдық кешеніне барды, деп хабарлайды zakon.kz Ақордаға сілтеме жасап.

Қырғыз Республикасына мемлекеттік сапармен барған Қазақстан Президенті Қасым-Жомарт Тоқаев Президент Сооронбай Жээнбековпен бірге Бішкектегі "Ата бейіт" Ұлттық тарихи-мемориалдық кешеніне барды.

Мемлекеттер басшылары 1916 жылғы қайғылы оқиға кезінде қаза болғандарға орнатылған ескерткішке гүл шоғын қойды.

Содан кейін Қасым-Жомарт Тоқаев пен Сооронбай Жээнбеков көрнекті қырғыз жазушысы Шыңғыс Айтматовтың қабіріне барып, рухына тағзым етті.