"Сергек" Атырауда да айыппұл салуға кіріспек

Ереже бұзбайтын жүргізушілердің алаңдауына еш себеп жоқ.

Атыраулық жүргізушілер қалада 1 қаңтардан бастап "Сергек" камералары қосылғанын бір біріне ескертуде. Көпшілігі телефондарына камералардың қайда орналасқанын айтатын карталар жүктеп алған, деп хабарлайды "АЖ".

"Сергек" орнатумен айналысатын "КөркемТелеком" ЖШС-і баспасөз қызметінің айтуынша, қазір Атырауда да бақылау камералары орнатылып жатыр.

- Кешендер алдымен орнатылады, сосын оларға электр тоғы тартылады, сосын баптау мен тестілеу жасалуы тиіс – тек содан кейін ғана камералар жүйесі айыппұл салуға кіріседі. Айыппұлдардың қашаннан бастап салына бастайтынын өкілетті орган хабарлайтын болады, - дейді "КөркемТелеком" ЖШС баспасөз қызметі. - Ереже бұзбайтын жүргізушілердің алаңдауына еш себеп жоқ. "Сергектің" басты міндеті – қаладағы жол қауіпсіздігін қамтамасыз ету.